AFFA-nın 2023-cü ildəki gəlirləri və xərcləri açıqlandı

“2023-cü ildə baş sponsor SOCAR olmaqla, FİFA, UEFA və digər təşkilarldan AFFA-ya daxil olan ümumi məbləğ 35 617 445 AZN təşkil etmişdir. Bu məbləğin 36 faizi xarici mənbələr hesabına formalaşıb”.

Futbolxeber.az saytının məlumatına görə, bu sözləri AFFA-nın Hesabat-Seçki Konfransında çıxışı zamanı  AFFA-nın Maliyyə və Mühasibatlıq Departamentinin rəhbəri Xalid Cavadov deyib.

O, dövlət tərəfindən klublara ayrılan maliyyə vəsaitindən də söz açıb: “Futbolun inkişafı üçün dövlət tərəfindən ötən mövsüm 38 milyon, bu mövsüm isə 39 milyon vəsait ayrılıb. Bu məbləğin təyinatı üzrə xərclənməsinə 6 nəfərdən ibarət yoxlama və təftiş komissiyası nəzarət edib”.

X.Cavadov xərclər haqda bunları söyləyib: “Xərclərə gəldikdə isə bu məbləğ 27 957 622 AZN təşkil edir. Bura milli komandalar başda olmaqla, müxtəlif yaş qrupları üzrə komandaların əmək haqları, ezamiyyə xərcləri, aşağı liqaların keçirilməsi və s. daxildir”.