Fonte: "İnanırıq ki, "Qarabağ"a qalib gəlib 1/8 finala yüksələ bilərik"

"Braqa"nın müdafiəçisi Joze Fonte Avropa Liqasının pley-off mərhələsində "Qarabağ"a qarşı keçirəcəkləri cavab oyunundan danışıb.

Futbolxeber.az saytının "record"a istinadən verdiyi məlumata görə, Portuqaliya millisinin sabiq üzvü Ağdam təmsilçisini məğlub edəcəklərinə və mərhələ adlayacaqlarına inandığını söyləyib:

"Mənfi nəticələrdən sonra azarkeşlərə sevinc bəxş etmək istəyirik. Aydındır ki, heç kim uduzmağı sevmir. "Braqa" da həmişə qalib gəlmək istəyir. Bu, həmişə mümkün olmur. Lakin azarkeşlərimiz bizə güvənirlər və onlara sevinc bəxş etmək üçün qələbə qazanmalıyıq.

"Qarabağ"la ilk matçda pis oynadıq. Bizim çox mürəkkəb vəzifəmiz var. Amma həqiqətən inanırıq ki, biz Bakıda qalib gələ və 1/8 finala vəsiqə qazana bilərik. Gəlin buna hazırlaşaq".