“Neftçi”də italiyalı hücumçu?

“Neftçi” “Styaua”nın hücumçusu Andrea Kompanyo ilə maraqlanır.

Futbolxeber.az saytının məlumatına görə, bu barədə “ağ-qaralar”ın sabiq baş məşqçisi Adrian Mutu Rumıniya mətbuatına açıqlamasında deyib.

Rumıniyalı mütəxəssis bildirib ki, hələ “Neftçi”də çalışarkən 28 yaşlı forvardı sərəncamında görmək istəyib. Mutunun sözlərinə görə, “ağ-qaralar” yenidən onunla əlaqə saxlayaraq, Kompanyo ilə bağlı məsləhət alıblar.

“Styaua”nın sahibi Cici Bekali də italiyalı forvardı qış transfer dönəmində satacaqlarını etiraf edib.

Qeyd edək ki, karyerasına “Kataniya”da başlayan Andrea Kompanyonu “Styaua” 2022-ci ilin yayında “Universitatya Krayova”dan transfer edib. O, Buxarest klubunda 44 matçda 19 qol vurub.