“Qarabağ”ın “Braqa” önündə itirəcəyi bir şey yoxdur”

"Zirə”nin baş məşqçisi Rəşad Sadıqov sabiq klubu “Qarabağ”ın UEFA Avropa Liqasının pley-off mərhələsində “Braqa”ya qarşı keçiriləcək matçlarda şansını dəyərləndirib.

Futbolxeber.az saytının məlumatına görə, Sadıqov qeyd edib ki, bu dəfə Ağdam klubu meydana təzyiqsiz çıxacaq: “İlk oyundan çox şey asılı olacaq. İnanıram ki, mərhələni keçən tərəf “Qarabağ” olacaq. Çünki komandanın itirəcəyi bir şey yoxdur. “Qarabağ” artıq bura qədər gəlməklə rekorda imza atıb. Bu, futbolumuz üçün böyük uğurdur. Komandanın üzərində təzyiq olmayacaq. Səfərdəki ilk hissədən çox şey asılı olacaq. Ağdam klubu rəqibə həmin müddətdə müqavimət göstərsə, ardı gələcək”.