“Sumqayıt”ın müdafiəçisi Antalya toplanışını dəyərləndirdi

“Hazırlıqlarımı yaxşı keçir. Şükürlər olsun ki, heyətdə zədəli futbolçumuz yoxdur”.

Futbolxeber.az saytının məlumatına görə, bu sözləri “Sumqayıt”ın müdafiəçisi Elvin Bədəlov klubun mətbuat xidmətinə açıqlamasında deyib.

Antalya toplanışını dəyərləndirən 29 yaşlı müdafiəçi çempionatın  XIX turunda “Qəbələ”yə qarşı keçirəcəkləri oyuna hazır olacaqlarını bildirib:

“Uşaqlar maksimum çalışır. Bu təlim-məşq toplanışının bizə faydalı olacağına inanıram. Düzdür, yükləmələr çox oldu. Lakin bu, normaldır. İlk yoxlama matçımızı da yükləmələr altında oynadıq. Uduzsaq da, qarşılaşmanın bizə xeyri dəyəcək. Çempionatın XIX turunun “Qəbələ” ilə oyununa hazırlaşırıq. İnanıram ki, yaxşı olacaq. Hazırlıq prosesinin bitməsinə 2 gün qalıb. Əlimizdən gələni edirik ki, çempionata hazır olaq”.