U-19 Niderlanda məğlub oldu

19 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün növbəti oyununu keçirib.

Futbolxeber.az saytının məlumatına görə, Lüksemburqda təşkil olunmuş qarşılaşmada Niderland yığması ilə qarşılaşan millimiz 1:2 hesabı ilə məğlub olub. Millimizin heyətində 86-cı dəqiqədə Sadiq Şəfiyev fərqlənib.

U-19 seçmə mərhələdə son oyununu noyabrın 21-də, saat 21:00-da meydan sahibi Lüksemburq yığmasına qarşı keçirəcək.

Qeyd edək ki, U-19 ilk oyununda Bosniya və Herseqovina yığması ilə  heç-heçə edib - 0:0.