25 Iyun 2024, Çərşənbə axşamı
"Qəbələ"də yeni məşqçi təyinatı
"Şamaxı"da portuqaliyalı qapıçı
Eddi “Neftçi”dən niyə getdi?
"Turan Tovuz"dan yeni transfer

Ölkə futbolu

Mutu: "Ümid edirəm ki, Emin “Neftçi” üçün də qol vuracaq"

“Neftçi”nin baş məşqçisi Adrian Mutu bu gün Rusiya “Zenit”inə qarşı keçirəcəkləri yoxlama oyunu haqqında danışıb.

Futbolxeber.az saytının məlumatına görə, rumın mütəxəssis "Neftçi TV"yə açıqlamasında yoxlama görüşü keçirməklərində əsas məqsədlərinin Premyer Liqanın növbəti turunun "Araz-Naxçıvan"la matçına hazırlaşmaq olduğunu bildirib:

“Hazırlıqlar yaxşı keçdi, bizi “Zenit”lə çətin oyun gözləyir. Çalışacağıq ki, az oynayan futbolçulara daha çox şans verək. Bu görüşün əsas məqsədi Premyer Liqanın növbəti turunda “Araz-Naxçıvan”la oyuna yaxşı hazırlaşmaqdır. Milli komandalarda bəzi futbolçular zədəlidir. Bizim üçün çətin vəziyyətdir. Amma biz bunun öhdəsindən gəlməyə çalışacağıq və zədəlilərin sağalmasını gözləyəcəyik. “Araz-Naxçıvan”la oyuna tam heyətlə yanaşmaq istəyərdim".

O, Azərbaycan yığmasının Avro-2024-ün seçmə mərhələsində İsveçə böyük hesabla qalib gəlməsinə (3:0) və futbolçusu Emin Mahmudovun bu oyunda dubl etməsinə də toxunub: "Azərbaycan millisinin İsveçlə oyununa baxdım, çünki orada futbolçularım oynayır. Emin, Höcət və Eddini izlədim. Ümumiyyətlə, hər şey yaxşı idi. Emin Mahmudovun qollarına görə sevindim. Ümid edirəm ki, o, “Neftçi” üçün də qol vurmağa başlayacaq”.

Qeyd edək ki, "Neftçi" - "Zenit" görüşü bu gün saat 21:00-da başlayacaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30