2 Mart 2024, Şənbə
“Zirə” itirə-itirə gedir (YENİLƏNİB)
“Sumqayıt” “Kəpəz”ə məğlub oldu
Sezar Meza Kolli "Zirə"yə keçdi
İcraiyyə Komitəsinin qərarları

Ölkə futbolu

Yonas Hoffmann: “Qarabağ” bu dəfə müdafiədə daha etibarlı oynadı”

“Bayer Leverkuzen”in vingeri Yonas Hoffmannın Futboxeber.az saytına müsahibəsi

 

- “Qarabağ”a Bakıda 1:0 hesabı ilə qalib gəldiz. Bu qələbəni necə şərh edərdiz?

- Düşünürəm ki, bu matç Almaniyada olduğu kimi asan keçmədi. "Qarabağ"a qarşı Bakıda daha çətin oyunla qarşılaşdıq. Rəqibin də, bizim kimi fərqlənmək üçün çoxlu şansları oldu. Hər iki komanda ilk qolu vurmaq üçün gərgin mübarizə apardı. Fərqlənən və şanslı tərəf kimi qalib biz olduq.

- Leverkuzen və Bakıdakı oyunlar arasında əsas fərqlər hansılar idi?

- Bu matçda "Qarabağ" müdafiədə daha etibarlı oynadı. Biz Almaniyadakı oyundakı dəqiqliyimizi nümayiş etdirə bilmədik, hücuma yaxşı çıxa bilmirdik. Yekunda da hücumlarımız yaxşı nəticə vermirdi. Komandalar bir-birinə qarşı nisbətən qapalı oynadı.

- Qələbədə əsas açar faktor nə idi?

- Əsas olan "Qarabağ"a qarşı fərqlənə bildik. Qələbə qolunu vura bildik (gülür). Əlbəttə, "Qarabağ"ın da fərqlənmək üçün xeyli imkanı oldu. Amma biz yaxşı müdafiə olunduq. Bonifeys penaltidən öncə də bir neçə epizodda fərqlənə bilərdi. Müdafiənin etibarlı oyunu və penalti qolu ilə qələbə qazandıq.

- "Qarabağ"ın budəfəki çıxışını bəyəndiniz?

- Əlbəttə. Onlar komandamıza qarşı əla oynadılar. Bu matçda bizə başağrısı ola bildilər və kifayət qədər çətinlik yaratdılar. İlk oyuna nisbətdə tam fərqli matç keçirdilər. Hətta bu matçda onların heç-heçə etməsi və ya bizi məğlub etməsi belə mümkün idi.

- Stadiondakı atmosfer barədə nə deyə bilərsiniz? Bu gün Azərbaycanda Bayraq günü qeyd olunurdu.

- Azarkeşlər möhtəşəm idi. Stadionda hər şey əla görünürdü. Belə olacağını gözləmirdik. İlk hissəni ehtiyatda oturarkən azarkeşlərin telefon işıqlarını yandırıb-söndürməsini görürdüm. Bu, stadionda əla atmosfer və görüntünün yaranmasına səbəb oldu.

Azad NURİYEV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31