“Bayer Leverkuzen” Bakıda məşqə çıxmayacaq

Almaniyanın “Bayer Leverkuzen” klubu UEFA Avropa Liqasının qrup mərhələsində “Qarabağ”la oyunöncəsi Bakıda məşq etməyəcək.

Futbolxeber.az saytının məlumatına görə, Leverkuzen təmsilçisi bununla bağlı UEFA-dan xüsusi icazə alıb.

Xabi Alonsonun baş məşqçisi olduğu komanda noyabrın 8-də gecə saatlarında Bakıda olacaq. İspaniyalı mütəxəssisin mətbuat konfransı da təşkil olunmayacaq.

“Qarabağ”ın son məşqi isə həmin gün saat 17:30-da qarşılaşmanın gerçəkləşəcəyi Tofiq Bəhramov adına Respublika stadionunda başlayacaq. Bundan 15 dəqiqə əvvəl baş məşqçi Qurban Qurbanov media nümayəndələri önünə çıxacaq.

Qeyd edək ki, noyabrın 9-da keçiriləcək “Qarabağ” - “Bayer Leverkuzen” matçı saat 21:45-də start götürəcək.