Reziuan Mirzov: “Qələbədən başqa nəyə ümid edə bilərik ki?”

“Neftçi”nin yarımmüdafiəçisi Reziuan Mirzovun Futbolxeber.az saytına müsahibəsi

- “Səbail” üzərində qələbədən sonra çoxları “Neftçi”nin özünə gəldiyini düşünsə də, “Sabah”a uduzduz. Bu məğlubiyyəti nə ilə əlaqələndirmək olar?

- Birinci hissədə yaxşı oynadıq. Qol vurmaq üçün şanslarımız da var idi. Fasilədən sonra da bu oyunu davam etdirmək lazım idi. Təəssüf ki, alınmadı. Hesabı açmaq mümkün olmadı. Halbuki ilk qolu biz vursaydıq, nəticə fərqli olardı. Əvəzində rəqib son saniyələırdə qapımıza yol tapdı və 3 xal qazandı.

- İkinci dövrə start götürsə də, “Neftçi” hələ də stabil çıxış etmir. Bunun səbəbi nədədir?

- Konkret səbəb göstərmək çətindir. Dediyim kimi, “Sabah”la matçda pis oynamadıq. Sadəcə bəxtimiz gətirmədi. Rəqibin isə bəxti gətirdi.

- Bəlkə qeyri-stabillik yeni futbolçuların adaptasiyası ilə bağlıdır?

- Adaptasiya gedir. Komandada yeni futbolçular çoxdur. Ola bilər ki, hələ də bir-birimizə tam uyğunlaşmamışıq.

- Öz çıxışınızdan nə dərəcədə razısız?

- Mən də yavaş-yavaş yeni komandaya, yeni mühitə adaptasiya oluram. Komandama faydalı olmaq üçün əlimdən gələni edirəm. Düşünürəm ki, növbəti matçlarda qalib gəlməliyik və turnir cədvəlində daha da irəli getməliyik.

- Lakin növbəti turda Qəbələyə səfər edəcəksiz və bu matçda 3 xal qazanmaq heç də asan olmayacaq...

- Razıyam. Onsuz da çempionatda heç bir oyun çətin keçmir. Bütün rəqiblər “Neftçi”yə qarşı var gücləri ilə oynayırlar. Lakin qələbədən başqa nəyə ümid edə bilərik ki? Səfərə ancaq və ancaq 3 xal üçün yollanacağıq.