“Qarabağ”ın yeni transferləri gözlədiyimizdən daha aşağı oldular”

“Qarabağ”ın bu mövsüm transfer siyasətinin zəif olmasının səbəblərini demək mənim üçün çətindir. Komandanın içində gedən prosesləri bilmədən fikir bildirmək asan deyil”.

Futbolxeber.az saytına müsahibəsində bu sözləri futbol veteranı Aslan Kərimov deyib.

O, Ağdam klubunun hazırda yeni transferlərə ehtiyacı var: “Onu deyə bilərəm ki, komandanın builki transferləri ötən illərdəkinə nisbətdə daha zəif idi, gözlədiyimizdən daha aşağı oldular. Buna səbəb gələndən sonra zədə almaları, adaptasiya və müxtəlif səbəblər ola bilər. "Qarabağ"ın hazırda yeni transferlər etməyə ehtiyacı var. Komandanın əsas oyunçularını itirməsi çempionatda onlara çətinlik yaradacaq. Bu baxımdan Kevin Medinanı saxlamaqları yaxşı oldu. Qara Qarayev, Ramil Şeydayev kimi oyunçuların getməsi da başqa bir təsirdir. HİK-i keçəcəyi təqdirdə, həm çempionat, həm də Avropa Liqasında bu heyətlə oynaması çox çətin olacaq. Mənə elə gəlir ki, komanda yenidən transfer etmək məcburiyyətindədir”.

Azad NURİYEV