Əliyar Ağayev Avropa çempionatının açılış oyununu idarə etdi

Futbol üzrə gənclər arasında (U-21) Avropa çempionatının final mərhələsi start götürüb.

Futbolxeber.az saytının məlumatına görə, qitə birinciliyinin açılış oyunu bu gün Tiflisdəki "Mixail Mesxi" adına stadionda keçirilib.

Belçika və Niderland komandaları arasında açılış matçının baş hakimi Əliyar Ağayev olub. Görüş 0:0 hesabı ilə başa çatıb. Ə.Ağayev 5 futbolçuya (3-ü Belçika, 2-i Niderland) sarı vərəqə göstərib.

Qeyd edək ki, Ə.Ağayevə Zeynal Zeynalov və Akif Əmirəli köməklik göstərib

Futbolxeber.az-ın teleqram kanalına abunə olun