Kamran Quliyev: "Bu müqavilə ölkə futbolu tarixində ilkdi"

"Bütün futbol dünyası bu həftə final həftəsini yaşayır. Bizim də finalımız var. Birigün final matçına çıxırıq. Bu dönəmdə də aktivliyimiz də göz qabağındadır. Yaxın gələcəkdə digər sponsorlarla da müqavilələr olacaq".

Futbolxeber.az saytının məlumatına görə, bu sözləri "Neftçi"nin prezidenti Kamran Quliyev deyib.

Flaqman bu gün İtaliyanın "Errea" şirkəti ilə texniki sponsorluq müqaviləsi imzalayır. 

Bununla bağlı təşkil olunan tədbirdə çıxışı zamanı "Neftçi"nin prezidenti bu əməkdaşlığın ölkə futbolu tarixində ilk olduğunu bildirib:

"Ölkəmizdə ilk dəfə texniki sponsorluq müqaviləsi imzalayır. İllər ərzində müxtəlif şirkətlərdən alırdıq paltarları. Bu müqavilələr daha çox seçimimizə bağlı idi. Sadəcə birbaşa istehsalçı və ya distrubüturlar tərəfindən təklif olunan formaları alırdıq. Bir neçə il ərzində bizə müxtəlif şirkətlər belə təkliflər irəli sürüb. Amma klubumuzun həm adına, həm tarixinə, eyni zamanda da onun maddi tərəfi bu məsələyə son illər ərzində hər hansı şirkətlə ortaq məxrəcə gələ bilmirdik. Aparıcı istehsalçılar əfsuslar olsun ki, Azərbaycan futbol bazarlarına marağı yüksək deyil. Böyük şirkətlərin heç Azərbaycanda rəsmi nümayəndəlik açmayıblar".