“Zirə” və “Qəbələ”dən qələbə

Azərbaycan Premyer Liqasında 30-cu tura start verilib.

Futbolxeber.az saytının məlumatına görə, ilk oyun günündə 2 matç keçirilib.

Əvvəlcə "Zirə" "Səbail"i qəbul edib. Meydan sahibləri 3:1 hesabı ilə qalib gəliblər. Bu, "Zirə"nin 5 tur sonra ilk qələbəsi olub. Komanda sonuncu dəfə 24-cü turda "Turan Tovuz"a qalib gəlib.

Digər oyunda isə "Neftçi" doğma meydanda "Qəbələ" ilə qarşılaşıb. Bu oyunda "Qəbələ" 2:1 hesablı qələbə qazanıb.

Qeyd edək ki, turun digər matçları 15 və 16 aprel tarixlərində keçiriləcəklər.

Azərbaycan Premyer Liqası

XXX tur

14 aprel (cümə)

"Neftçi" - "Qəbələ" - 1:2

Qollar: Ramon Maçado, 13 (0:1), İsnik Alimi, 24-pen. (0:2), Emin Mahmudov 61-pen. (1:2)

Hakimlər: Kamranbəy Rəhimov, Akif Əmirəli, Şirmamed Mamedov, Rəşad Əhmədov

"​​​​Bakcell Arena".

"Zirə" - "Səbail" - 3:1

Qollar: Vladislav Kulaç, 52 (1:0), Rüstəm Əhmədzadə, 69 (2:0), Eldar Quliyev, 90+1 (3:0), Qoba Zakpa, 90+7 (3:1)

Hakimlər: Cavid Cəlilov, Rahil Ramazanov, Zöhrab Abbasov, Əli Əliyev

Zirə İdman Kompleksinin stadionu

15 aprel (şənbə)

16:00. "Kəpəz" - "Turan Tovuz"

16 aprel (bazar)

16:00. "Şamaxı" - "Sumqayıt"

19:00. "Sabah" - "Qarabağ"