“Kəpəz”in futbolçuları 2 aydır maaş almırlar

“Kəpəz”in üzvləri 2 aydır maaş almırlar.

Futbolxeber.az saytının məlumatına görə, bu haqda komandanın baş məşqçisi Tərlan Əhmədov Azərbaycan Premyer Liqasının 28-ci turunda “Kəpəz”i 1:0 hesabı ilə məğlub etdikləri oyundan sonra deyib:

“Bəli, son 2 ayın maaşını almamışıq. Klubun İdarə Heyətinin rəhbəri futbolçularla danışıb. Bildiriblər ki, bu həftə məsələ öz həllini tapmalıdır”.

Əhmədov maaş almayan komandanı oyuna kökləməyin çətinliyindən də söz açıb:

“Bir dəfə futbolçular məşqə çıxmaqdan imtina etmişdi. Bunu yoluna qoyduq. Bizim işimiz insanlara sevinc bəxş etməkdir. Uşaqlara deyirəm ki, oynayarkən evdə sizi həyəcanla izləyən yaxınlarınızı fikirləşin. Onların sevinci milyona dəyər. Gecikmə ola bilər”.