21 May 2024, Çərşənbə axşamı
Mövsümün bəxtsizi - “Səbail”
"Qarabağ"dan son 27 ilin rekordu
"Ən zəif oyunlarımızdan biri idi"
"Qəbələ"dən ardıcıl 3-cü qələbə

Ölkə futbolu

Rəşad Sadıqov: “İlk hissədə rəqibə başını qaldırmağa imkan vermirdik”

“Matça yaxşı start verdik. İlk yarını yaxşı səviyyədə keçirdik. Rəqibə başını qaldırmağa imkan vermirdik. Təhlükəli hücumlarımız da var idi. Lakin əəssüflər olsun ki, üstünlüyümüzü nəticədə əks etdirə bilmədik”.

Futbolxeber.az saytının məlumatına görə, bu sözləri “Zirə”nin baş məşqçisi Rəşad Sadıqov Azərbaycan Premyer Liqasının XXVII turunda “Sabah”a 0:2 hesabı ilə uduzduqları görüşü şərh edərkən deyib.

O, artıq neçənci dəfə autdan sonra qapılarında qol görmələrindən gileylənib: “Təəssüf ki, neçənci dəfədir autdan qapımızda qol görürük. Yenə də, ucuz qol buraxdıq. Rəqibin ilk təhlükəli hücumu qolla nəticələndi. Buna baxmayaraq, hesabda geri düşsək də, sona qədər mübarizə apardıq. Bəlkə də, nəticəni dəyişə bilərdik. Bir qol lazım idi. Ancaq həmin qolu vura bilmədik. Məğlub olsaq da, futbolçular sona qədər yaxşı mübarizə apardılar. Onların çıxışından çox narazı ola bilmərəm”.

“Zirə”nin çalışdırıcısı Rəhim Sadıqov və Rüstəm Əhmədzadənin matça laqeyd yanaşması fikri ilə razılaşmayıb: “Bəzi məsələlər sırf xarakterlə bağlıdır. Hər hansı futbolçumda laqeydlik hiss etsəm, dərhal tədbir görərəm. Rəhimdən və Rüstəmdən çox razıyam. Oyunlarda da, məşqlərdə də istəklidilər. Əllərindən gələni edirlər. Ola bilər ki, hansısa epizodda səhv etmələri yorğunçuluqla bağlı olur. Amma dediyiniz kimi olarsa, bunu etiraf edərdim”.

Sadıqov Amin Seydiyevə iki epizodda qırmızı vərəqə verilmə ehtimalı barədə danışmaq istəməyib: “Şərh vermək istəmirəm”.

Mütəxəssis matçın gec saatda start götürməsinin komandasına pis təsir etdiyini düşünmür: “Əksinə, inamik, sürətli oyun getdi. Bu saatlarda oynamaq daha yaxşıdır. Futbolçular belə vaxtda özünü daha gümrah hiss edirlər. Sanki beynəlxalq oyuna hazırlaşırdıq. Belə ab-hava var idi. Rəqib də beynəlxalq səviyyədə idi. Uşaqların əziyyətinə heyifsilənirəm. Yaxşı nəticə ola bilərdi. Rəqibin heyətindəki usta futbolçular matçın taleyini həll etdi”.

Sadıqov üçüncü hissədə az xal toplamaları barədə də danışıb: “Oyun planında çox şikayətim yoxdur. Futbolçuların intizamı, məşqlərə yanaşması, oyunlara köklənməsində problem yaşamırıq. Xal ehtiyatına gəldikdə, təbii ki, daha çox xal toplamalı idik. Çempionatı təhlil edirsən, xal və qələbə qazanmaq da müşkül məsələyə çevrilib. Keçən il biz 5-8-ci yerlərdəki komandalara qalib gəlmişdik, yalnız sonuncu turda “Şamaxı” ilə heç-heçə etmişdik. Keçən ilki oyunlarla builki arasında çox fərq var. Futbolçular da daha fərqli olublar. Burada 10 komanda olmasının da rolu var. Sonuncu pillənin liqanı tərk etməsinin təsiri də həmçinin. Asan oyun yoxdur. Təbii ki, bu, hədəflərimizi dəyişmir. Liqanı təhlil etdikdə, baxdıqda, çətin olduğunu görürsən. Dördüncü dövrə həlledici olacaq”.

R.Sadıqov qapı xəttində mümkün dəyişikliyə belə münasibət bildirib: “Bəlkə də Mehdi Cənnətov ikinci qolda topu çıxara bilərdi. Rotasiyalar bəzən səhvlərlə, bəzən psixoloji hazırlıqla, bəzən də rəqibə uyğun taktiki ilə bağlıdır. Anar Nəzirov ürəkli oyunçularımızdandır. Gəncədəki matçda ona şans verdik. Yaxşı da dayandı. “Sabah” standartlarda yaxşıdır. Xüsusi ev tapşırıqları olur. Bu detalları nəzərə alıb, bu gün start heyətində Mehdiyə üstünlük verdik. Hər iki qapıçı eyni səviyyədə çıxış edir. Müəyyən detallar var ki, qərarlara təsir edir”.

Sonda baş məşqçi yerli mütəxəssislərin bu il uğurlu fəaliyyətinə toxunub: “Qəbələ”də Elmar Baxşıyevin gördüyü işlər haqda ancaq xoş sözlər demək olar. Ümumiyyətlə, bu il gənc, yerli mütəxəssislər yaxşı işlər görür. Ayxan Abbasov “Turan Tovuz”da, Cavid Hüseynov “Şamaxı”da, Tərlan Əhmədov “Kəpəz”də”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31