“Neftçi”nin zədəlilərinin son durumu açıqlandı

“Neftçi”nin zədəli futbolçularının son durumuna aydınlıq gəlib.

Futbolxeber.az saytının məlumatına görə, bu barədə “ağ-qaralar”ın həkimi Şaiq Zöhrablı klubun feysbuk səhifəsinə açıqlama verib:

“Eddi İsrafilov və Fərid Yusifli komandadan ayrı, fiziki məşqçi ilə hazırlıq keçirlər. Bütün hərəkətləri icra edirlr”.

O qeyd edib ki, bir müddətdir yaşıl meydanlardan kənardan qalan Rəhman Hacıyevin qayıdışı bir neçə gün də yubanacaq: “Rəhmanın sol baldır əzələsində dartınma var idi. Fərdi məşq edirdi. Lakin 2 gün öncə sağ baldır əzələsində də ağrı hiss elədi. MRT müayinədən sonra məlum oldu ki, müalicə almalıdır. 2-3 gündən sonra fərdi məşqlərə başlayacaq”.