"Turan Tovuz" rumınlarla bacarmadı

Türkiyənin Antalya şəhərində təlim-məşq toplanışında olan "Turan Tovuz" bu gün hazırlıq prosesi çərçivəsində ilk yoxlama oyununu keçirib.

Futbolxeber.az saytının məlumatına görə, Tovuz təmsilçisi Rumıniyanın "Petrolul" klubu ilə qarşılaşıb. Matçda hesabı açan tərəf təmsilçimiz olsa da, yekunda Ayxan Abbasovun komandası meydanı məğlub tərk edib. 

Qeyd edək ki, "Turan Tovuz" yanvarın 13-də İsveçrənin “Aarau” klubu ilə üz-üzə gələcək. Antayla təlim-məşq toplanışında son oyun isə yanvarın 17-də Polşa “Qurnik“inə (Zabrje) qarşı olacaq. Komanda yanvarın 18-də hazırlığı başa vuraraq vətənə dönəcək.

Yoxlama oyunu

8 yanvar

"Turan Tovuz" - "Petrolul" (Rumıniya) - 2:3

Qollar: Nazim Həsənzadə, 5 (1:0), Gicu Qrozav, 27 (1:1), 42 (1:2), Meyjers, 52 (1:3), Ayxan Hüseynov, 86pen. (2:3)