Canni De Byazi: "Polşa millisininin bir addımlığında idim"

Millimizin baş məşqçisi Canni De Byazi Polşa yığmasını çalışdırmaq istəməsi ilə bağlı yayılan iddialara münasibət bildirib.

Futbolxeber.az saytının Polşa mətbuatına istinadən verdiyi məlumata görə, italiyalı mütəxəssis əvvəllər Polşa Futbol Federasiyasının sabiq prezidenti Zbiqnev Boneklə bir neçə dəfə danışıq apardığını deyib:

"Polşa millisininin bir addımlığında idim. Zbiqnev Bonieklə bir neçə dəfə Polşa komandası ilə bağlı danışmışam. Həmişə birbaşa əlaqə saxlamışıq. Heç vaxt vasitəçilər  olmayıb. Bu danışıqların tarixlərini xatırlamıram. Çünki o vaxtdan bəri başıma çox şey gəlib. Mən başqa federasiyalar və ya klublarla danışmışam. Lakin bu əlaqələr dediyim kimi əvvəllər bir neçə dəfə olub”.

Qeyd edək ki, De Byazi Polşa millisində baş məşqçi vəzifəsinə namizədlərdən  biri hesab olunur.