Moldovalı futbolçu: "Azərbaycanla matça yoldaşlıq oyunu kimi baxmırıq"

“Biz belə matçlara yoldaşlıq görüşü kimi baxmırıq. Çox ciddi hazırlaşırıq. Bu, meydanda da nəzərə çarpacaq”.

Futbolxeber.az saytının məlumatına görə, bu fikirləri Moldova millisinin futbolçusu Yoan-Kelin Revenko keçirəcəkləri yoldaşlıq oyunları ilə bağlı danışarkən deyib.

22 yaşlı müdafiəçi Azərbaycan millisini təhlil etdiklərini bildirib: "Çətin qarşılaşma olacaq. Onların yaxşı komandası var. Rumıniya haqqında hələlik məlumat almamışıq. İlk matça hazırlaşırıq. Rumıniya çempionatını izləyirəm. Bu rəqib də yaxşı komandaya malikdir".

Qeyd edək ki, noyabrın 16-da Azərbaycan millisi ilə qarşılaşacaq Moldova seçməsi, 4 gün sonra Rumıniya ilə üz-üzə gələcək.