De Byazi: “Əsas odur yaxşı ki, nəticələrdən sonra razı qalmayaq”

“Hər iki oyun bizim üçün vacibdir. 17 ay öncə burada uduzmuşduq. Dünən futbolçularla bu barədə söhbətimiz oldu. Türkiyə və Belarusla oyundan sonra buraya rahat gəlmişdik. Onda yanaşma yaxşı deyildi. Meydanda bütün gücümüzü ortaya qoymalıyıq”.

Futbolxeber.az saytının məlumatına görə, bu sözləri millimizin baş məşqçisi Canni de Byazi sabah Moldovaya qarşı keçiriləcək yoxlama oyunu barədə danışarkən deyib.

İtaliyalı mütəxəssis bildirib ki, son vaxtlar işlər qaydasında getsə də, komandası arxayınlaşmamalıdır:

“İnkişaf etmək, inam qazanmaq üçün çox çalışmalıyıq. AÇ-nin seçmə mərhələsinə 122 gün qalıb. Hazırda düşərgədə 26 futbolçu var. Bu futbolçular bizə seçmə mərhələdə kömək edə bilərlər. Millinin qapısı hamı üçün açıqdır. Amma bağlana da bilər. Son vaxtlar işlərimiz yaxşı gedir, ardıcıl üç qələbə qazanmışıq. Buna görə sevinirəm. Əsas odur yaxşı ki, nəticələrdən sonra razı qalmayaq”.