Ayxan Abbasov: "Risk etdik..."

"Gəncədə oynamaq xoşdur. Gözəl atmosfer var idi, yerli azarkeşlər komandalarına ruh verirdilər, bizim azarkeşlərimizə də xüsusi təşəkkürümü bildirirəm, həmişə olduğu kimi bizi tək qoymadılar, sona kimi dəstəklərilər”.

Futbolxeber.az saytının məlumatına görə, bu sözləri “Kəpəz”lə oyundan sonra “Turan Tovuz”un baş məşqçisi Ayxan Abbasov deyib.

Abbasov Azərbaycan Premyer Liqasının XIV turu çərçivəsində “Kəpəz”lə qolsuz başa çatan görüş belə şərh edib:

“Ağır qrafikdə idik. Son 3 oyun çətin idi. Yorğunluqdan əlavə çoxlu zədəlimiz var. Bəzi futbolçularımıza təşəkkür düşür. Risk etdik, bəlkə də yenidən zədələnə bilərdilər. Bu oyunun mahiyətini bilirdik ki, bizə xal lazımdır. Çünki bizdən aşağıda olan rəqiblər yaxınlaşır. Mübarizəli oyun oldu. Belə oyunlarda epizodlar az olur. Hər iki tərəfin də fürsətləri oldu. Fasilə var. Çalışacağıq ki, istirahəti də bərpanı da sağlıqlı şəkildə keçib növbəti oyunlarda bütün heyətlə oyunlara çıxaq. Növbəti oyunlara baxacağıq".