Premyer Liqamızda ilin rekordu

Azərbaycan Premyer Liqasının 2-ci turunda qapılara 18 qol vurulub.

Futbolxeber.az-ın PFL-in saytına istinadən verdiyi məlumata görə, “Neftçi” - “Kəpəz” (5:2) oyununda 7, “Zirə” – “Sabah” (1:3) və “Qəbələ” - “Şamaxı” (3:1) matçlarında 4, “Sumqayıt” – “Qarabağ” (0:2) görüşündə 2, “Səbail” - “Turan Tovuz” (0:1) qarşılaşmasında 1 qol qeydə alınıb. Turun orta məhsuldarlığı 3,60-a bərabərdir.

Bu, 2022-ci ilin rekordudur. Daha yüksək məhsuldarlığa sonuncu dəfə ötən mövsümün 10-cu turunda təsadüf olunub. Keçən il noyabrın 6-7-dəki dörd görüşdə 17 qol vurulub. Orta məhsuldarlıq 4,25-ə bərabər olub.