Zaur Əzizov: "Bəzi oyunçularla ilkin razılıq əldə olunub"

"Neftçi"nin idman direktoru Zaur Əzizov klubun transfer planları haqda danışıb.

Futbolxeber.az saytının məlumatına görə, o, bu gün təşkil edilən mətbuat konfransında artıq bəzi oyunçularla ilkin razılıq əldə etdiklərini bildirib:

"Transfer çalışmaları uzun müddətdir başlayıb. Bəzi oyunçularla ilkin razılıq əldə olunub. İnanırıq ki, onlar komandaya kömək edə biləcək gücdədilər".

O deyib ki, müqaviləsi başa çatan futbolçularla bağlı müzakirələrə başlayıblar: "Braziliyalı hücumçularımız Tiaqo Bezerra və Ramon Maçado barədə yaxın saatlarda rəsmi məlumat veriləcək. Bundan başqa, Azər Əliyevin yerli statusunda oynaması qısa müddətdə həllini tapacaq".