“İnanıram ki, sabah “vuruşacağıq”

UEFA Millətlər Liqası çərçivəsində sabah keçiriləcək Qazaxıstan-Azərbaycan oyunu öncəsi milli komandamızın mətbuat konfransı təşkil olunub.

Futbolxeber.az saytının məlumatına görə, jurnalistlər önünə baş məşqçi Canni De Byazi ilə yanaşı, yığmamızın üzvü Maksim Medvedev də çıxıb.

Təcrübəli müdafiəçi görüşlə bağlı bunları deyib: “Komandada əhval-ruhiyyə yaxşıdır. Mövsüm başa çatıb, bütün diqqətimizi milli komandaya yönəltmişik. Yeni mövsüm başlayır, rəqiblərimiz analiz etmişik. Zəif və güclü tərəflərini bilirik. Son 2 gündə oyuna hazırlıq prossesi gedir. Bu gün sonuncu məşqimizdır. Sabah ən optimal heyətlə mübarizə aparacağıq. İnanıram ki, komanda yoldaşlarım sabah özlərini ən yaxşı tərəfdən göstərəcəklər, “vuruşacaqlar”. Klublarımızdakı son oyunlardan xeyli vaxt keçib. İstirahət etmək üçün yetərincə vaxtımız olub. Baş məşqçimiz də bunu nəzərə alaraq oyunçuları yüksək tempdə saxlayıb və son iki gündəki məşq sırf oyuna hazırlıq xarakteri daşıyıb”.