Millimizin üzvü Polşada növbəti qolunu vurdu

Polşa çempionatında 9-cu turun oyunları keçirilir.

Futbolxeber.az saytının məlumatına görə, millimizin üzvü Anton Krivotsyukun çıxış etdiyi “Visla” (Plotsk) səfərdə “Şlyensk”lə qarşılaşıb. Oyun meydan sahiblərinin qələbəsi ilə başa çatıb - 3:1.

Start heyətdə meydana çıxan Krivotsyuk 90 dəqiqə meydanda olub. Komandasının yeganə qolunu da 30-cu dəqiqədə millimizin müdafiəçisi vurub. Bu, onun cari mövsüm çempionatda vurduğu 2-ci qoldur.

Qeyd edək ki, “Visla” hazırda 10 xalla 18 komanda arasında 10-cu pillədə qərarlaşıb.