“Sabah” “Telavi” ilə bacarmadı

Yeni mövsümə hazırlıqlarını Gürcüstanda davam etdirən “Sabah” bu gün növbəti yoxlama oyununa çıxıb.

Futbolxeber.az saytının məlumatına görə, paytaxt təmsilçisi “Telavi” (Gürcüstan) ilə qarşılaşıb.

Görüş “Sabah”ın 1:3 hesablı məğlubiyyəti ilə başa çatıb. Paytaxt təmsilçisinin yeganə qolunu 79-cu dəqiqədə Abdulla Xaybullayev vurub.

Ramin Quliyev bu görüşdə gənc futbolçulara üstünlük verib. "Sabah" oyuna bu start heyətlə çıxıb: Rüstəm Samiqullin, İdris İnqilablı, Amin Seydiyev, Arsen Ağcabəyov, Abdulla Rzayev, Şakir Seyidov, Veysəl Rzayev, Camal Cəfərov, Abdulla Xaybulayev, Samir Məhərrəmli, Mixeil Erqemlidze.

Qeyd edək ki, “Sabah” bundan əvvəl Gürcüstan toplanışında “Şukura”nı 1:0 hesabıyla məğlub edib. Komanda digər matçda “Samqurali”yə eyni hesabla uduzub.