“Qəbələ”nin yarımmüdafiəçisi “Sumqayıt”da

“Sumqayıt” FK 2021/22 mövsümü üçün daha bir futbolçunu heyətinə cəlb edib.

Futbolxeber.az saytının məlumatına görə, son mövsümü “Qəbələ”də keçirmiş yarımmüdafiəçi Roman Hüseynovla 1 illik müqavilə imzalanıb.

Hüseynov yeni klubunda 20 nömrəli formada çıxış edəcək.

Qeyd edək ki, Roman Hüseynov “Qəbələ” (35 oyun, 2 qol) və “Kəpəz”in (11 oyun) uğurları üçün çalışıb. 23 yaşlı yarımmüdafiəçi Azərbaycanın U-17, U-19 və U-21 millilərində çıxış edib.