Şeydayev "Sabah"da qalacaqmı?

Millimizin hücumçusu Ramil Şeydayevin “Sabah”dan ayrılması xəbərinə klubdan münasibət bildirilib. Futbolxeber.az saytının məlumatına görə, paytaxt təmsilçisinin mətbuat xidmətindən verilən açıqlamaya görə, müqaviləsi başa çatan hücumçu ilə bağlı hələlik qərar verilməyib: “Şeydayevin komandada qalıb-qalmayacağı məsələsinə hələ aydınlıq gəlməyib. Ümumiyyətlə, bəzi futbolçularla müqavilə müddəti mövsümün sonunda başa çatıb. Kimlərin qalacağı, kimlərlə yolların ayrılacağı qarşıdakı günlərdə bəlli olacaq”. Qeyd edək ki, Şeydayev ötən ildən “Sabah”da çıxış edir. O, bu mövsüm Premyer Liqada 25 oyuna 6 qol vurub, 1 məhsuldar ötürmə edib. (Qol.az)