“Kəpəz”in oyunu da qara görə təxirə salındı

I Divizionun 13-cü turunun güclü qar səbəbindən yarımçıq dayandırılmış “Turan Tovuz” - “Sumqayıt-2” görüşü görülən bütün tədbirlərə baxmayaraq, yağıntı davam etdiyinə görə təxirə salınıb.

Futbolxeber.az-ın PFL-in saytına istinadən verdiyi məlumata görə, bu gün keçirilməli olan “Kəpəz” - “Qaradağ Lökbatan” qarşılaşması da analoji hava şəraiti ilə əlaqədar təxirə salınıb. Görüşlərin vaxtı barədə əlavə məlumat veriləcəyi bildirilib.

Qeyd edək ki, dünən təxirə salınan “Turan Tovuz” - “Sumqayıt-2” oyunu bu gün saat 12:30-dan davam etdirilməli idi.