Qurban Qurbanov: “Böyük qürurla Ağdamda oynayacağımız ilk oyunu gözləyirik”

Bu gün 27 il sonra Ağdam şəhəri və kəndləri işğalçı Ermənistan tərəfindən boşaldılaraq ordumuza təhvil verilib.

Futbolxeber.az-ın məlumatına görə, Ağdamı təmsil edən “Qarabağ”ın baş məşqçisi Qurban Qurbanov bu haqda öz fikirlərini klubun saytı ilə bölüşüb:

"Bu gün bizim üçün çox böyük bir gündür. İllərdir həsrətini çəkdiyimiz torpaqlara geri dönürük və klub olaraq təmsil etdiyimiz Ağdam şəhəri artıq bu gün işğaldan azad olunur. İnanıram ki, komandanın həm kapitanı, həm baş məşqçisi olmuş Allahverdi Bağırovun və digər şəhidlərimizin ruhu şaddır. Böyük qürurla Ağdamda oynayacağımız ilk oyunu gözləyirik.

Bir daha başda cənab Ali Baş Komandan olmaqla ordumuza bizə bu hissləri yaşatdığı üçün təşəkkür edirəm".