De Byazi: “Rəqib yaratdığı imkandan maksimum istifadə etdi”

“Fərqli oyun göstərərək qalib gəlmək istəyirdik. İlk dəqiqələrdən künc zərbəsindən qapımızdan qol buraxdıq.”.

Futbolxeber.az saytının məlumatına görə, bu sözləri millimizin baş məşqçisi Canni De Byazi Millətlər Liqasının 3-cü turunda səfərdə Monteneqroya 0:2 hesabı ilə uduzduqları oyundan sonra keçirilən mətbuat konfransında deyib.

İtaliyalı mütəxəssis bildirib ki, rəqibin fərqlənmək üçün elə də çox şansı olmayıb: “Monteneqro millisinin qol vurmaq üçün az şansı oldu və yaratdıqları imkandan maksimum istifadə etdi. İlk hissədə daha aşağı tempdə oynadıq. Ayıq başla buraxdığımız səhvləri analiz edəcəyik".

De Byazi zədələnən komandanın kapitanı Maksim Medvedev haqda da danışıb: "Maksimin zədəsinin nə dərəcədə ciddi olub-olmadığı bilinmir. Komandamızın kapitanı və vacib oyunçularındandır. Meydanda olduğu müddətdə yaxşı oyun nümayiş etdirdi”.