“Qarabağ” “Molde” ilə bacarmadı

"Qarabağ" Çempionlar Liqasında növbəti oyununa çıxıb.

Futbolxeber.az saytının məlumatına görə, Ağdam klubu 3-cü təsnifat mərhələsində Norveç "Molde"si ilə qarşılaşıb. Kiprin Larnaka şəhərindəki "AEK Arena"da keçirilən matçın əsas və əlavə vaxtında hesab açılmayıb. Penaltilər seriyasında isə "Molde" 6:5 hesabı ilə qaəlib gələrək “Qarabağ”ı mübarizədən kənarlaşdırıb.

Norveç çempionu bunu daha erkən də edə bilərdi. Lakin Şahruddin Məhəmmədəliyev 102-ci dəqiqədə penaltini dəf edib.

Qeyd edək ki, "Molde" pley-off mərhələsində "Ferentsvaroş"la qarşılaşacaq. "Qarabağ" isə mübarizəni Avropa Liqasında davam etdirəcək. Qurban Qurbanovun komandasının pley-offdakı rəqibi sentyabrın 18-də keçiriləcək püşkatmada müəyyənləşəcək.

Çempionlar Liqası

III təsnifat mərhələsi

16 sentyabr

"Qarabağ" (Azərbaycan) - "Molde" (Norveç) - 0:0 pen - 5:6

Hakimlər: Srcan Yovanoviç, Uroş Stoykoviç, Milan Mixaylovi, Novak Simoviç (hamısı Serbiya)

Larnaka. "AEK Arena"