Buqrin: “Oyuna tam köklənsək, rəqibin kimliyindən asılı olmayaraq qalib gələrik”

"Neftçi”nin yarımmüdafiəçisi Sabir Buqrin "Şkupi” üzərində qələbə haqda fikirlərini bildirib.

Futbolxeber.az-ın klubun rəsmi saytına istinadən verdiyi məlumata görə, ağ-qara formada ilk qolunu vuran Mərakeş əsilli belçikalı futbolçu gözəl hisslər keçirdiyini deyib:

"Çətin oyun idi, amma qələbə qazandığımız üçün gözəl hisslər keçirirəm. Rəqib bütün komanda ilə arxaya çəkilmişdi. Buna görə də qol vurub onların qapanmasının qarşısını almalı idik ki, bunu da bacardıq. Komandamıza inamım böyükdür. İnanın ki, əgər biz komanda şəklində oyuna tam köklənsək, rəqibin kimliyindən asılı olmayaraq qalib gələrik”.