“Qarabağ” “Keşlə”ni məğlub etdi

Avrokuboklara hazırlaşan “Qarabağ” və “Keşlə” bu gün yoxlama oyununda üz-üzə gəliblər.

Futbolxeber.az saytının məlumatına görə, Qəbələ şəhər stadionunda keçirilən qarşılaşma hərəsi 30 dəqiqə olmaqla 3 hissədən ibarət olub. Görüş Ağdam təmsilçisinin əzmkar qələbəsi ilə başa çatıb.

Qeyd edək ki, Çempionlar Liqasında çıxış edəcək “Qarabağ” Qəbələdə, Avroliqa təmsilçimiz “Keşlə” isə Şamaxıda hazırlıq keçir.

Yoxlama oyunu

18 iyul

“Qarabağ” - “Keşlə” 3:1

Qollar: Aleksandr Kristovao, 6 (0:1), Filip Ozobiç, 11-pen (1:1); 51 (2:1), Mahir Emreli, 65 (3:1)

Baş hakim: Rəvan Mahmudzadə