“Sumqayıt”dan 2 transfer birdən

Tarixində ilk dəfə Avroliqada çıxış edəcək “Sumqayıt” heyətini 2 yeni futbolçu ilə gücləndirir.

Bu haqda Futbolxeber.az saytına klubun mətbuat xidmətinin rəhbəri Rəşad Məmmədov məlumat verib.

Klub rəsmisi qeyd edib ki, Tellur Mütəllimov və Elvin Məmmədovla artıq bütün məsələlərdə razılıq əldə edilib: “Gün ərzində adıçəkilən futbolçular rəsmi müqaviləyə imza atacaqlar”.

Qeyd edək ki, Elvin Məmmədov 2018/2019 mövsümündə “Sumqayıt”ın formasını geyib.

Əlavə edək ki, bu gün Vurğun Hüseynov, Elvin Bədəlov və Mehdi Cənnətov da klubla müqavilələrini yeniləyəcəklər.