“Sumqayıt” 3 futbolçu ilə anlaşdı, sabah müqaviləyə imza atacaqlar - ÖZƏL

Baş məşqçi Ayxan Abbasovla yeni müqavilə imzalayan “Sumqayıt” transfer çalışmalarına start verib.

Futbolxeber.az saytının əldə etdiyi məlumata görə, bu gündən müqaviləsi bitən futbolçularla danışıqlara start verən klub rəhbərliyi artıq 3 nəfərlə yeni sözləşmə barədə razılığa gəlib.

Söhbət Vurğun Hüseynov, Elvin Bədəlov və Mehdi Cənnətovdan gedir. Artıq sabah adıçəkilən futbolçular yeni müqaviləyə imza atacaqlar.

Qeyd edək ki, Mehdi Şərifi, Peyman Babayi, Şəhriyar Əliyev və Aleksey İsayevlə vidalaşan “Sumqayıt” müqaviləsi başa çatan digər oyunçularla yeni anlaşma əldə etməyə çalışır. Hazırkı heyətin üzvləri ilə danışıqlar tamamlandıqdan sonra yeni transferlərin heyətə cəlb olunmasına başlanacaq.