“Heç bir yerdə AFFA-nın prezidenti və baş katibi kimi komandalarının təəssübünü çəkən görməmişəm”

Nikola Yurçeviçin dönəmində milli komandamızın məşqçisi işləmiş Mario Tokiç onlarla müqavilənin müddətinin uzadılmaması haqda AFFA-nın qərarına münasibət bildirib.

Futbolxeber.az saytının məlumatına görə, azerisport.com-a müsahibəsində xorvat mütəxəssis deyib:

“Müqavilənin uzadılmaması artıq AFFA-ya aid məsələdir. Amma mən bilirəm ki, assosiasiya Slovakiya ilə Bakıdakı oyun (1:5) istisna olmaqla komandadan razı qalmışdı. AFFA-ya güclü təzyiq vardı. Onlar isə bunun öhdəsindən gələ bilirdilər. AFFA Avropada peşəkar kadrlara malik ən yaxşı assosiasiyalardan biridir. Məsələn, AFFA-nın prezidenti və baş katibi super insanlardır. Heç bir yerdə onlar kimi komandalarının təəssübünü çəkən insanlar görməmişəm. Bu komandaya vaxt lazımdır. Xorvatiya ilə oyuna (1:2) bir neçə aya qədər bu uşaqlar Kosovoya uduzmuşdular (0:4). Yalnız son dəqiqələrdəki ustalıq səviyyəsi və fərdi səhvlər  bizə seçmə mərhələdə çox xal toplamağa imkan vermədi”.