“Tobol”ın prezidenti: “Emil Balayev Türkiyəyə gedir”

"Tobol"un prezidenti Nikolay Panin komandanın qapıçısı Emil Balayev haqda danışıb.

Futbolxeber.az-ın Qazaxıstan klubunun saytına istinadən verdiyi məlumata görə, o, komanda ilə təlim-məşq toplanışı üçün Dubayda olan millimizinin qolkiperinin Türkiyəyə gedəcəyini deyib:

"Emilin Türkiyədə bərpası nəzərdə tutulub. Toplanışın bir hissəsini orada keçirəcək, fərdi proqram üzrə hazırlaşacaq".

Qeyd edək ki, "Tobol"da baş məşqçi vəzifəsinə erməni Qriqori Babayanın gətirilməsindən sonra Emil Balayevin klubdan ayrılacağı iddia olunur.