AFFA 6 klubu cərimələdi

Bu gün AFFA İntizam Komitəsinin iclası keçirilib.

Futbolxeber.az-ın qurumun rəsmi saytına istinadən verdiyi məlumata görə, 9 noyabr 2019-cu il, 2019/2020 mövsümündə XXVIII Premyer Liqanın XI turunun “Keşlə” - “Neftçi” matçında “Neftçi” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.

9 noyabr 2019-cu il, 2019/2020 mövsümündə XXVIII Premyer Liqanın XI turunun “Qəbələ” - “Səbail” matçının 80-cı dəqiqəsində “Səbail” klubunun 79 №-li futbolçusu Əli Sadıxlı sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub.

10 noyabr 2019-cu il, 2019/2020 mövsümündə XXVIII Premyer Liqanın XI turunun “Sabah” - “Sumqayıt” matçında “Sabah” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.

Oyunun 59-cu dəqiqəsində “Sumqayıt” klubunun azarkeşləri tərəfindən protexniki vasitələrdən istifadə edildiyinə görə klub 800 manat cərimə olunub.

10 noyabr 2019-cu il, 2019/2020 mövsümündə XXVIII Premyer Liqanın XI turunun “Qarabağ” - “Zirə” matçında “Zirə” klubunun 5 futbolçusu sarı vərəqə ilə cəzalandığı üçün klub 800 manat cərimə olunub.

Tibbi xidmət oyunöncəsi iclasda iştirak etmədiyinə görə meydan sahibi klub 400 manat cərimə olunub.