“Qarabağ” mənim üçün darıxır”

 “Son dəfə müsahibə verəndə də demişdim ki, biz çox çalışmalıyıq. Yüz faiz formada olmağın yeganə yolu budur. Bu gün qələbə qazandıq. Oyunumuzdan narazı qala bilmərəm. Əgər matç heç-heçə bitsəydi, biz heç xoşbəxt olmazdıq. Qələbə üçün meydana çıxmışdıq və 3 xalı qazandıq”.

Futbolxeber.az saytının məlumatına görə, bu sözləri “Neftçi”nin futbolçusu Donald Gerye Premyer Liqanın 7-ci turunda bu gn evdə "Səbail”i məğlub etdikləri oyundan (2:1) sonra jurnalistlərə açıqlamasında deyib.

Haitili müdafiəçi layiqli nəticə qazandıqlarını söyləyib: “Deməzdim ki, biz meydanda nədənsə qorxurduq. Sadəcə, biz də insanıq, 90 dəqiqə ərzində yorula bilərik. Ancaq sona qədər vuruşub, layiqli nəticə qazandıq”.

D.Gerye "Sabiq komandanız “Qarabağ” üçün darıxırsınızmı” sualına belə cavab verib: “Məncə, “Qarabağ” mənim üçün darıxır. Mən “Qarabağ”da çıxış etmişəm və indi də onun avrokuboklardakı oyunlarını izləyirəm”.