"Qarabağ" - APOEL oyununun biletləri satışda

Çempionlar Liqasının III təsnifat mərhələsinin cavab oyunu çərçivəsində keçiriləcək "Qarabağ" - APOEL matçının biletləri bu gün satışa çıxıb.

Futbolxeber.az saytının “Qarabağ”ın Feysbuk səhifəsinə istinadən verdiyi məlumata görə, biletlərin qiymətləri sektorlar üzrə 2, 5, 10 və 50 AZN-dir.

Biletlərin satış məntəqələri:

Tofiq Bəhramov adına Respublika stadionunun kassaları

Gənclik və 28 Mall (iticket satış məntəqəsi)

Park Bulvar AVM (iticket satış məntəqəsi)

ASAN 2, 3 (Yasamal, Amay t/m)

İticket.az (onlayn)

Xatırladaq ki, avqustun 13-də Tofiq Bəhramov adına Respublika stadionunda keçiriləcək görüş saat 20:30-da başlayacaq. "Qarabağ" səfərdəki oyunda 2:1 qalib gəlib.