“Bakı”nın yetirməsi İspaniyada çıxış edəcək?

“Bakı”nın yetirməsi, millimizin üzvü Mahir Emreli İspaniyada çıxış edə bilər.

Futbolxeber.az saytının məlumatına görə, hazırda “Qarabağ”da çıxış edən forvardla Sequnda təmsilçiləri - “Malaqa” və “Ekstremadura”nın maraqlandığı bildirilir. Bu haqda məlumatı AS yayıb.

22 yaşlı hücumçunun 2 il əvvəl “Qarabağ”ın Çempionlar Liqasının qrup mərhələsində “Atletiko” ilə oyunları (0:0, 1:1) zamanı sözügedən klubların diqqətini cəlb etdiyi qeyd olunub.

Eyni zamanda, Mahirin “Bakı”da çıxış etdiyi zaman “Atletiko”nun düşərgəsində olduğu da xatırlanıb.

Xəbərdə ötən mövsüm Azərbaycan Premyer Liqasının bombardiri olan Mahirin statistikasından bəhs olunub və bildirilib ki, gənc hücumçu Sequndada özünü ispan futboluna tanıda bilər.