“Yaxşı ki, Bakıya gəldim”

“Çox maraqlı səfər oldu. Mən bu dəvətnaməni UEFA-dan aldım. Məncə, qərarım düzgün idi. Yaxşı ki, gəldim”.

Futbolxeber.az saytının məlumatına görə, bu sözləri Avropa Liqasının final oyunu ilə əlaqədar "Bakı 2019: Ulduzlar finalı"nda iştirak edən “Çelsi”nin sabiq futbolçusu Maykl Essyen AFFA-nın bu gün keçirilən Hesabat Konfransından sonra keçirilən brifinqdə deyib.

O, Avroliqada "Çelsi"yə azarkeşlik etdiyini və final oyuna baxmaq üçün yenidən Bakıya gələcəyini bildirib: “Sözsüz ki, dünən keçirilən oyun Avropa Liqasının final oyununun təbliği idi. Düşünürəm ki, çox maraqlı oyun keçdi. Avroliqanın finalında “Çelsi”nin olmasını istərdim. Ümid edirəm, final oyununa gələcəyəm”.