"Zirə" və "Keşlə" məğlub oldu

Bu gün Topaz Premyer Liqasında mövsümün ikinci yarısına start verilib.

Futbolxeber.az saytının məlumatına görə, 15-ci turun açılış matçında "Zirə” debütant “Sabah”ı qəbul edib. Matç meydan sahiblərinin 0:2 hesablə yenilgisi ilə tamamlanıb.

Günün ikinci oyununda isə "Keşlə" və “Səbail” üz-üzə gəlib. Bu görüşdə də qələbəni qonaqlar qeyd edib. "Səbail" rəqib qapısından 3 cavabsız qol keçirib. 

Qeyd edək ki, tura sabah keçiriləcək 2 oyunla yekun vurulacaq.

Topaz Premyer Liqası

XV tur

2 fevral

“Keşlə” - “Səbail” 0:3 

Qollar: Kevin Kubemba, 14, Elvin Yunuszadə, 53, Ağabala Ramazanov, 59

Hakimlər: Rəhim Həsənov, Namiq Hüseynov, Mübariz Haşımov, Rauf Allahverdiyev

“ASK Arena"

“Zirə” - “Sabah” 0:2

Qollar: Marko Deviç, 47-pen, Rəşad Eyubov, 68

Qırmızı vərəqələr: Məqsəd İsayev, 25 ("Sabah"), Vüqar Mustafayev, 62 ("Zirə")

Hakimlər: Rauf Cabbarov, Yaşar Abbasov, Nahid Əliyev, Nicat İsmayıllı

Zirə İdman Kompleksinin stadionu