“Sabah” macarları məğlub etdi

Türkiyənin Antalya şəhərində təlim-məşq toplanışında olan “Sabah” bu gün növbəti yoxlama oyununu keçirib.

Futbolxeber.az saytının məlumatına görə,

Elşad Əhmədovun komandası 3-cü sınaq matçında Macarıstanın yüksək liqasında çıxış edən MTK klubu ilə üz-üzə gəlib və 3:1 hesabı ilə qalib gəlib.

Paytaxt təmsilçisinin heyətində Vadim Abdullayev, Marko Deviç və Cavid İmamverdiyev fərqlənib.

Qeyd edək ki, ilk oyununda Türkiyə “Əskişəhərspor”una 1:0 hesabı ilə qalib gələn Topaz Premyer Liqanın debütantı ikinci matçında Qazaxıstan “Tobol”u ilə heç-heçə edib - 2:2.