Slavik Alxasov: “İlk oyun həmişə ağır olur”

Yanvarın 18-də “Keşlə” Türkiyə toplanışı çərçivəsində Özbəkistanın U-23 milli komandasına qarşı yoxlama matçında üz-üzə gəlib və qarşılaşma 0:0 hesabı ilə tamamlanıb.

Futbolxeber.az saytının məlumatına görə, “Keşlə”nin müdafiəçisi Slavik Alxasov oyundan sonra toplanış və matç barədə fikirlərini klubun Mətbuat Xidmətinə açıqlayıb:

“Bilirsiniz ki, cari mövsümün ikinci yarısına hazırlıqlara Bakı şəhərində başladıq və intensiv məşq etdik. Antalyadakı məşqlər də eyni tempdə keçir. Ümumilikdə təlim-məşq toplanış prosesi yaxşı keçir və məşq hazırlığını yüksək səviyyədə həyata keçirməyə çalışırıq. Bu gün toplanış çərçivəsində ilk matça da çıxdıq. Ağır məşqlərdən sonra Özbəkistanın U-23 milli komandasına qarşı oynamaq heç də asan olmadı. Özbəklərin çox yaxşı komandaları var. Ümumiyyətlə, ilk oyun həmişə ağır olur. Əsas işimiz çempionata yaxşı hazırlaşmaqdır”.