“Zirə”də baş menecer təyinatı

Elman Himayətoğlu yenidən "Zirə"yə qayıdıb.

Futbolxeber.az saytının məlumatına görə, mətbuat xidmətinin sabiq rəhbəri bundan sonra baş menecer kimi fəaliyyət göstərəcək. O, artıq dekabrın 20-dən yeni işinə başlayıb.

Qeyd edək ki, E. Himayətoğlu buna qədər Qurban Qurbanovun yığmaya baş məşqçi təyinatından sonra onun təşəbbüsü ilə yaradılan milli komandaların mətbuat xidmətinin rəhbəri vəzifəsində çalışırdı. Qurbanovun istefasından sonra bu vəzifə ləğv olunduğundan jurnalist də federasiya ilə yollarını ayırmalı olmuşdu.