"Bayram ab-havasında deyiləm"

"Bayram ab-havasında deyiləm. Qış fasiləsinə məğlub kimi yollanırıq, artıq oyanmaq vaxtıdı".

 

Futbolxeber.az saytının məlumatına görə, bu sözləri Azərbaycan millisinin hücumçusu Rüfət Dadaşov deyib.

 

"Proyssen"nin futbolçusu Almaniya 3-cü Bundesliqasının 20-ci turunda evdə "Fortuna"ya uduzduqları oyundan (0:2) sonra görüş haqda yerli mətbuata danışıb. Münster klubu III Bundesliqada 20 turdan sonra 29 xalla 7-cidi.  90 dəqiqə meydanda olan 27 yaşlı forvard qış fasiləsinə qədərki çıxışlarını da qiymətləndirib:

 

"Çox zəif çıxış etdik. Meydanda sərgilənən oyun qəbuledilən deyil. Heç bir ehtiras hiss olunmur. Belə vəziyyətdə qələbə qazanmaq olmaz. Uzun bir mərhələni geridə qoyduq. Bir neçə məğlubiyyətimiz oldu. Bu səbəbdən çıxışı yüksək qiymətləndirə bilmərəm. Bəlkə də, bəxtimiz də gətirmədi. Çünki hər xırda səhvdən sonra cəzalanırdıq. İlk mərhələni geridə qoyduq. Bir neçə məğlubiyyətimiz oldu".