"Spartak"ın futbolçusu "Futbolxeber"ə danışdı: "Azərbaycan yığmasında oynasam..."

"Spartak"ın əvəzedici heyətinin futbolçusu Turqay Möhbalıyev Futbolxeber.az saytına açıqlama verib.

 

U-19 yığmamızdan oynamaqdan imtina etdiyi deyilən Möhbalıyev məsələ haqda bunları deyib:

 

"Düzdü, mənə təklif var idi. Lakin bu dəqiqə üçün konkret bir söz deyə bilməyəcəm. Ancaq təbii ki, Azərbaycanı çox sevirəm. Çünki mən özümü azərbaycanlı hesab edirəm. Lakin düzünü desəm, indi "Spartak"ın əsas komandasına düşmək haqda fikirləşirəm. Bütün fikrim də buna yönəlib. Azərbaycan yığmasında oynamağa başlasam legioner hesab olunacam. Ona görə də hələ ki, indi "Spartak"ın əsas komandasına düşmək barədə düşünürəm. Rusiya yığmasında oynamaq? Bu haqda heç düşünməmişm".